Без Наслов

– од братот O.

Ако некогаш успеам да ја најдам Мислата која секогаш ќе ме враќа кон Tвоите човечки пусти патишта, твоите бледи мисли кои никогаш не беа мои, твоите празни зборови накитени со најтаинствените шепоти кои може да ги состави ветрот на земјата, тогаш ќе се убијам. Ќе се убијам на најкрвавиот можен начин, бидејќи не ја сакам Крвта. Ќе се убијам кога Месечината ќе биде на пола пат за да се сретне со Сонцето.

Ќе се убијам на начин кој нe можеш ни да го замислиш ниту насетиш.

Ќе се убијам во зората на Ѕвездата Деница, исто како и во времето кога те сретнав на пустата раскрсница на Животот, каде се вкрстуваа две патеки, кои не водеа никаде, каде Ѓаволот ги чекаше своите први муштерии, кога кучињата лаеа на последната ѕвезда бркајќи ја назат во својот пекол на битисување, а злото договараше кладба со времето за да си ја измери силата во Универзумот.

Во тој миг, ако е миг, ќе си го распорам умот-мешина и ќе го удавам во илјадници идеи кои ќе ја загадат таа мисла за Тебе. Во тој миг ќе се изгубам во себе самиот, во своите лавиринти, како Пан – Се уништувачот, Кругот на Ништото, бидејќи од секогаш сум ја сакал Најголемата Тајна на Внатрешноста на Земјата.

*        *       *

Знам дека ќе ме бараат мислите на сегашноста да се вратам и да заборавам каде сум бил и што сум бил, бидејќи не знам да заборавам. Да се ослободам од тие мрачни коридори на веќе видени идни, сегашни и минати настани? Зарем ќе се ослободам? Зарем сакам да се ослободам од минатото?

Но, секако, ќе победам на мој начин. Ќе се раскажувам бескрајно во иднината за да не заборавам кој сум бил, кој сум и кој ќе бидам. Ќе си раскажувам од каде сум тргнал и каде одам, за да не исчезнам, и не залутам по Патот на Сонцето.

Знам дека Нема да се предаде Умот. Тој стар воин кој иако го има во своја сопственост најостриот меч со кој се сече и мислата, не знае како е искован тој Меч. Како да се победи таков воин, кој во едната рака го држи мечот на Разумот а во друга Светлината на Мракот?

Сепак сме Луѓе!

Но, колку и да сум изморен, и заборавен, оставен сам во себе, сам за себе на Прашливиот Друм на проклетото животарење, Другиот е секогаш спремен за наредната битка во Зората на Денот, со изгравирани зборови на неговиот златен штит:

За чиста волја,
неослабена од причина,
ослободена од страста за резултатот,
секој пат е совршен.

За да ме потсети на Минливоста, на Последицата, на Крајот, на Патот кој се изминува и кој е поважен и од самиот Крај кон кој сум тргнал!!!

Advertisements

Телема – За Живот над Смртта

Прави што ти е волја и тоа нека биде целиот Закон

Ќе започнеме со трактатот на Τо Μέγα Θηρίον 666 наречен Законот на Слободата!

 “Јас давам незамисливи радости на земјата: сигурност, не верба, за животот, над смртта; мир неискажан, одмор, екстаза; ниту пак барам некакви жртви.
Нели е ова подобро отколку смртта во живот на робовите на Ропските Богови додека одат угнетени од свесноста за „грев“ уморно барајќи или имитирајќи заморени и досадни „доблести“?
Со таквите, ние кои сме го прифатиле Законот на Телема немаме ништо.”
– Законот на Слободата

Сега… бидејќи никако да научите нешто за Телема. Continue reading “Телема – За Живот над Смртта”

За вистината – внатре или надвор?

Прави што ти е волја и тоа нека биде целиот Закон.

„What is Truth?
It is absurd to attempt to define it, for when we say that S is P, rather than S is Q or S is R, we assume that we already know the meaning of Truth. This is really why all the discussions as to whether Truth depends on external correspondence, internal coherence, or what not, neither produce conviction, nor withstand analysis. Briefly, Truth is an idea of a supra-rational order, pertaining to Neschamah, not to Ruach.“
— Мали Есеи кон Вистината, А. Кроули

Continue reading “За вистината – внатре или надвор?”

Петте татви, нивно комбинирање и другите системи

Во секој систем на иницијација познат на Земјата, постои оваа поделба во кој преку елементите, се расчленува истиот за да полесно се практикува истиот во секој сегмет од животот на човекот.

Како што знаеме, постојат четири елементи и тоа: земја, вода, воздух и оган. Со нивно правилно мешање во соодветни пропорции во дадени ситуации, може да се создаде петти елемент, познат како Дух, кој што е симбиоза, последица од тоа правилно мешање на четирите елементи.

Овде нема да зборуваме премногу за елементите и нивните карактеристики, туку ќе направиме паралела помеѓу повеќе системи, задржувајќи се повеќе на петте татви од источните школи.

Continue reading “Петте татви, нивно комбинирање и другите системи”