Учење, The Path Within

Не мисли дека секогаш ќе бидеш среќен на овој пат.

Те грабнал лав, драги мој.
Пријателот ти фрла куп малтер на глава.
Гледај го ко да е скап парфем.

10527674_921362561213342_5928627002076286700_n
„Книга на Лаги“, А. Кроули

Во тебе е едно чудовиште кое мора да се врзе и камшикува.

Види како човек тресе тепих.
Не му е лут на тепихот.
Само сака со тепалката да ги разлабави калливите наслаги од нитките.
Наслагите на сопството не се разлабавуваат со само еден удар.

Постојана работа треба, дисциплина.

На соне, дури и на јаве,
ќе го слушаш љубениот како вика по тебе.

Дрводелецот сече и резба парче дрво,
оти знае токму како сака да го употреби.
Додека ја штави кожата,
кожарот втрива киселина во неа и секакви нечистотии.

Вака се прави убава мека кожа.

– Мевљана Џалалудин (Џалал ад-Дин) Мухамед Руми

За злонамерните будали

Извадок од „Книга на Мудроста или Лудоста“ -А. Кроули

DE STULTIS MALIGNIS

Сине мој постојат многу болести и многу несреќи, кои произлегуваат од човечките грешки во однос на Волјата; но ниедна не е поголема од сплетките на натрапникот. Тие имаат претензија подобро да ја познаваат човечката мисла од самиот него, и да управуваат со неговата Волја, со повеќе мудрост, одколку самиот тој, па прават планови за неговата среќа.

И помеѓу сите нив, најлош е оној кој самиот себе се жртвува за доброто на своите ближни.

Оној кој е толку глупав за да не ја следи својата Волја, како ќе биде толку мудар да може да се занимава со туѓата? Ако мојот коњ застане пред огледало, дали треба некој слуга да му пријде одзади и да го удри по копитата?

Не, Сине, држи се мирно до својот пат, за да може твојот брат, гледајќи те да собере храброст врз основа на твоето однесување и биди сигурен дека нема да му пречиш со своето плитко милосрдие. Не ми дозволувај да ти зборувам за несреќите кои сум ги видел, чиј корен бил во љубезноста, чиј свет бил самопожртвуваноста, а плодот катастрофа. Навистина мислам дека тука не би имало крај. Удри, ограби го, убиј го својот сосед, но немој да го тешиш, освен ако тоа самиот тој не го побара, а и ако побара, биди внимателен.

Атлантида – Алистер Кроули

Извадок од воведот на „Атлантида” од Алистер Кроули, достапна на македонски јазик

„Атлантида“ е алегорија напишана онака како што само Алистер Кроули може да ја напише. За читателот, кој е неупатен во Гнозата, таа е необична, прекрасна и полна со хумор. Но малкумината, кои знаат како да направат врил, ќе и се восхитуваат на ингениозноста со која е разоткриена нивната скапоцена тајна, а сепак е прикриена. 

Continue reading “Атлантида – Алистер Кроули”